Falleg stund.

Var í sálumessunni í minningu Pavarottis. Fögur stund og þeim til sóma sem að henni stóðu og komu þar fram.

Basilika Krists konungs í Landakoti er gríðarlega fallegt hús og hefur einn þann besta hljómburð sem gerist á landinu.

Sem sóknarbarn í kaþólska söfnuðinum naut ég þess sérstaklega að hlýða á þessa fögru tónlist í kirkjunni okkar.

Þakka fyrir mig.

Sálumessa fyrir Pavarotti

Athugasemdir

[Marta B Helgadóttir, 10.9.2007 kl. 20:14]

Þetta var mjög falleg stund.

[Örn Johnson´43 (IP-tala skráð) 10.9.2007 kl. 21:55]

Óhemju falleg stund. Ég er svo heppinn, eins og margir aðrir, að eiga stafræna myndavél sem tekur kvikmyndir. Fékk mér í hana 2 Gb kort og get tekið 18 mín kvikmynd. Ég tók upp allan sönginn og var að hlusta á hann aftur. Þvílík tækni, því með svona myndavél þá tekur enginn eftir því að þú kveikir á henni.

Smart spæjari !

[Einar Örn Einarsson, 10.9.2007 kl. 22:18]

Já satt segirðu.

Ég á meira að segja svona myndavél, var ekki búinn að fatta að þetta er möguleiki. Minn haus hugsar mynavél= Mynd í albúm.

Alltaf er maður að læra.

[Gunnar Kr., 11.9.2007 kl. 16:04]

Sæll Einar.

Vegna spjalls á annarri síðu um kirkjuna, þá var ég að fá rafpóst frá félaga í Kaþólsku kirkjunni á Íslandi og hann kveður okkur báða í kútinn:

Kirkjan heitir hvorki Dómkirkja, Kristskirkja né Landakotskirkja. Hún heitir einfaldlega „Basilíka Krists konungs“ og var vígð sem slík 23. júlí 1929. Hún er dómkirkja Kaþólsku kirkjunnar á Íslandi og er oft nefnd Kristskirkja eða Landakotskirkja í daglegu máli.

Svo mörg voru þau orð og rétt skal vera rétt!

[Einar Örn Einarsson, 11.9.2007 kl. 16:22]

Sæll Gunnar

Það er ekki alveg rétt.

Hún var vígð sem dómkirkja. Varð ekki Basilika fyrr en árið 2000.

Á blöðum í fordyri kirkjunnar má sjá :

Dómkirkja Krists konungs og Basilika.

Kveðja