Blessaður kallinn!

15.6.2009 | 14:01

Ég skammast mín ofan í tær.

Þvílík siðleysa og ógeð sem viðgengst hér i þessu landi.

Á sama tíma eru gungurnar sem hafa það verkefni að taka til eftir svallið, að skjóta sér á bak við að ekki séu lög fyrir því að niðurfellingar skulda hjá gömlu bönkunum séu teknar til baka.

Er þingið ekki enn starfandi?

Það hafa verið sett bráðabirgðalög á sjómenn trekk í trekk þegar þeir hafa viljað sækja rétt sinn til launa.

Er það svo flókið að setja lög um þennan gjörning?

Bendi á færslur Rangars Ingólfssonar bloggvinar míns, en hann er einn af þessu góða fólki sem er að reyna að fletta ofan af ormagryfjunum.

http://ragnar73.blog.is/blog/ragnar73/

	Vill svör um spariféð
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Loksins heyrir maður eitthvað frá þér vonandi hefur þú það sem allra best. Já satt segir þú hann Ragnar á svo sannarlega heiður skilinn fyrir það hvernig hann hefur verið að fletta ofan af spillingunni hérna en því miður er þetta bara toppurinn á ísjakanum og hverju sem sætir virðist þar til bærum yfirvöldum ekki finnast nein ástæða til að loka þetta glæpahyski inni en svo fer kallgreyið hann Lalli Johns í 10-11 og "nappar einu SKINKUBRÉFI og er "stungið inn" með það sama. HVAR ER RÉTTLÆTIÐ?

Jóhann Elíasson, 15.6.2009 kl. 14:39

Takk fyrir og sömuleiðis. Já maður eiginlega getur vart trúað að hlutirnir geti verið svona, eins og er að koma á daginn.

Einar Örn Einarsson, 15.6.2009 kl. 20:36

Er ekki málið það að engan hefur órað fyrir; haft hugmyndaflug í það hvað fólk gæti tekið sér fyrir hendur, - og þess vegna ekki til lög sem ná yfir gjörningana. Þ.a.l. verða þessir menn ekki lögbrjótar... af því að lögin voru ekki til.

Settu þeir lög núna gætu þau varla orðið afturvirk, eða?

(ég er bara að þykjast voða meðvituð :)

Eygló, 16.6.2009 kl. 01:53

Já Maíja mín. Þetta má alveg til sanns vegar færa. Samfélagið okkar var í grunninn svo saklaust og græskulaust, að það fólk sem á að setja okkur hin formlegu lög ( Þessi óskráðu eru ansi mörg sem við föru flest eftir og það kallast siðferði) Svo komust hinir útsmognu til álna og áhrifa, og beittu sér fyrir því að til þeirra yrði menntað svo og svo nikið af fólki. Það fólk settist við, til að finna glufur og hjáleiðir, svo hægt væri að auðgast, þeir á prósentum, og allir græddu sem voru þeim megin við borðið. Skítt með hina. Er ekki mennt annars máttur?

Einar Örn Einarsson, 16.6.2009 kl. 10:26

Gæti ekki sagt þetta betur. T.d. í Kþ vissu allir til hvers Lux-útibúið var sett á laggirnar! Ég líka.

Eygló, 16.6.2009 kl. 11:42