Snúrublogg. 10 ár án áfengis. Auðmjúkur og þakklátur.

26.5.2009 | 23:03

Snúrublogg. 10 ár án áfengis. Auðmjúkur og þakklátur.

Núna hef ég vaknað 3652 morgna edru. Hef náð þeim áfanga að einn áratugur af mínu lífi er án boðefnabreytandi efna.

Fyrir 10 árum á Hvítasunnudegi var ég í mímu gamla starfi. Spilaði við hátíðarmessu, sem var sjónvarpað beint á RUV. Allt gekk það vel. Seinnipart dagsins fór ég út á veitingahúsið Vitann í Sandgerði, þar sem ég leysti vin minn og eiganda af,en þau hjón voru í fríi. þegar matargestir höfðu matast, var fátt eftir af fólki, einn kúnninn bauð mér í glas. Ég drakk sjaldnast glas, ég drakk GLÖS. Til að gera langa sögu stutta þá endaði ég inn í Reykjavík á viðbjóslegu sukki á gamla SPotlight. Þar náði ég mínum botni. Partyið var búið.

Strax daginn eftir , ákvað ég að leita til leynifélagsins. þar hef ég haldið mig síðan. Þar fann ég lausnina síðar. Lausn frá ömruleikanum og öllum hans sytstkynum,; vanmetakennd, kvíða, ótta, depurð svo nokkur séu nefnd. Hérna á myndinni er einn sem fékk sér of mikið, félagarnir auka á niðurlæginguna með því að teikna á berann bossann. Þetta er gefandi ekki satt? Hversu margir þekkja faðmlög við salernin í stjórnleysinu. Á bak við þessa mynd er barátta og skipbrot, flótti frá heiminum eins og hann er.

Í stað óttans kom vonin, í stað hins andlega meins kom sátt. Lausnin sem felst í að feta leið leynifélagsins spor fyrir spor.

Að sætta sig við að vera sandkorn í eilífðinni, forgengilegur maður í óforgengileika heimsins. Hver var ég að efst um tilvist einhvers æðra mér. Sá máttur sem gefur okkur lífsneistann, sá máttur sem stýrir sköpunarverkinu kalla ég GUÐ.

Trúarbrögðin sem eru mannanna verk gerðu þessi mál mín flóknari. Einfaldleikinn hentar mér. Ég maður, náttúruöflin GUÐ og hið æðra. Það nægir mér. Ég þarf ekkert að flækja það meir.

Ég er ykkur sem hafa fetað þessa leið með mér óendanlega þakklátur. Án ykkar væri ég ekki neitt. Ég á ekki sjens í helbrigt líf án þessarar lausnar, sem ég verð að viðhalda, einn dag í einu.

Ég yfirgaf glamour og gerfiheiminn, skrumið og sýndarmennskuna, sem fylgir "bransanum" því miður eins og skugginn. Sem betur fer er fullt af góðu fólki þar, en þeir sem detta ofan í síkið, þurfa að koma sér í annað andrúmsloft til að ná áttum. Mín leið var að fara á sjóinn aftur, eitthvað sem er í blóðinu. Þar er ég í raunverulegum aðstæðum, tengdur við krafta náttúrunnar, innan um fólk sem er það sjálft, fólk sem kemur úr sama jarðvegi og ég. Ég er af íslenskri alþýðu og stoltur af því.

Ég er það sáttur þar, að enn er ég að bæta við mig námi og þekkingu í skipstjórnarfögunum. Stefni á að klára DP réttindi á næstu mánuðum. Byrjaði það ferli á grunnnámskeiði í Lowestoft í UK í apríl. Tek ársfrí frá Landhelgisgæslunni til að ljúka því. Á myndinni með Peter Locke sem kennir DP course í Lowestoft.

Tónlistin heldur áfram að fylgja mér, bara á öðrum forsendum.

Í stað kvíðans hef ég drauma og markmið í dag.

Er þetta ekki frábært líf?

Takk fyrir mig. Heart Smile

Flokkur: Bloggar | Breytt s.d. kl. 23:04 | Facebook

Athugasemdir

Til hamingju Einar minn með þennan árangur, ég samgleðst þér innilega og megi líf þitt verða innihaldsríkt og fagurt.

Jóhann Elíasson, 26.5.2009 kl. 23:10

Jú þetta er sko frábært líf ! Hjartanlega til hamingju með áfangann í edrúmennskunni í 10 ár. - Lifðu heill minn kæri bloggvinur og gangi þér vel, í náminu.

Lilja Guðrún Þorvaldsdóttir, 26.5.2009 kl. 23:14

þú ert hreinlega hetja sálarinnar þinnar. Að ná árangri og vera stoltur af sér er eitt. Annað er að takast svo á við ný verkefni sem gefur sálinni fræðslu og þroska.

gaman að lesa um þig. Gerði mér gott svo ég vil þakka þér fyrir það:)

Kveðja
Heiðrún.

Heiðrún Klara Johansen, 26.5.2009 kl. 23:30