Hvað er að gerast hjá mínum mönnum.???

21.5.2009 | 16:42

Hvað er að gerast hjá mínum mönnum.???

Nú þykir mér týra á skarinu. Eru Skagamenn gjörsamlega heillum horfnir?

Við Skagamenn verðum að standa með strákunum í þessum mótbyr. VIð höfum áður byrjað illa og tekið þetta á seglunni. VIð skulum vona að þetta hafist með úthaldinu!!!

	Fjarðabyggð vann góðan sigur á Skagamönnum
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Hörmulegt gengi okkar Skagamanna í knattspyrnu, nú og undanfarin ár, er niðurdrepandi fyrir okkur sem höfum verið dyggir stuðningsmenn ÍA, gegn um árin! Það virðist sem því meira sem bæjarfélagið leggur fram til að bæta aðstöðuna til iðkunar knattspyrnu í bænum, þá verði árangur karlaliðsins í öfugu hlutfalli við það sem aðstaðan batnar, Því miður! Já því miður drengir mínir í meistaraflokki ÍA, frammistaða ykkar undanfarið og í fyrra, er ykkur til lítils sóma. ÉG veit að þið getið betur, en þá þarf að taka betur á, leggja sig alla fram, og gefa sig alla í leikinn. Það eru döpur örlög liða, að fara í leiki, bara til að vera markabankar, sem mótherjarnir geta gengið í og tekið út mörk á mörk ofan, og skilið þá gulu, sem hafa verið stolt bæjarins, eftir með allt niður um sig leik, eftir leik, eftir leik, rúna stigum, og á botninum! Ömurlegt á að horfa! Elskurnar mínar, nú spilum við í næst efstu deildinni, duttum ur efstu deild inni í fyrra!!! 2. deildin blasir við okkur ef þetta gengur svona! Hvar er metnaðurinn! Takið ykkur tak!! Þið gertið ekki gert okkur stuðningsfólki ykkar þetta ár eftir ár, mórallinn í bænum þolir þetta ekki öllu lengur, farið að sýna ykkar rétta andlit, og spila eins og fullorðnir karlmenn! Meðalmennsku gutl hefur ekki verið leikstíll Skagamanna!! Hingað og ekki lengra: Við krefjumst stiga eftir leiki, og þið eigið að vinna fyrir þeim! Áfram til sigurs, Skagamenn!

Stefán Lárus Pálsson, 21.5.2009 kl. 17:35

Gaman að sjá þig Lárus, takk fyrir allt gamalt og gott.

Tek fyllilega undir með þér. Heyr Heyr!!!

Einar Örn Einarsson, 21.5.2009 kl. 18:00

Jón Arnar, 21.5.2009 kl. 18:52

Gengið er slæmt, en ég er ósammála Stefáni að öðru leyti. Liðið sem er að spila núna er að miklu leyti breytt frá því í fyrra og mikið um unga menn sem eru að stíga sín fyrstu skref í meistaraflokki. Við viljum að sjálfsögðu alltaf sigur en við megum heldur ekki gera lítið úr þeim liðum sem spila í fyrstu deild með okkur. Stefán varðandi stuðningsmennina, þá er mér frekar spurn, hvar eru þeir? Við eum örfá sem höldum uppi merki stuðnings og hvetjum okkar menn, hvernig sem gengur og alvöru stuðningsmaður stendur með sínu liði í gegnum þykkt og þunnt. Ég er ekki í neinum vafa um að þetta kemur hjá strákunum okkar en nú þurfa þeir virkilega á okkur að halda.

Stöndum nú saman og styðjum strákana okkar!!!!!!!!!!!

Varðandi aðstöðuna þá er hún frábær og ég leyfi mér að segja að þau sveitarfélög sem hafa svona hús eiga í framtíðinni eftir að skila af sér enn betra knattspyrnufólki.

Sigrún Ríkharðs, formaður Knattspyrnufélags ÍA. (IP-tala skráð) 21.5.2009 kl. 20:06

Já Sigrún mín, gengið er slæmt, mjög slæmt, SKELFILEGA SLÆMT!! Sem einlægum stuðningsmanni ÍA, tek ég þetta ástand mjög nærri mér, og er ekki einn um það. Mér finnst strákarnir að flestu leyti vel spilandi, og margir sýna góða takta, EN, mér finnst eins og það vanti að menn vinni saman eins og lið, oft á tíðum, einn fyrir alla og allir fyrir einn, þá er komin virk og árangursrík liðsheild. Það eru jú 11 menn inni á vellinum í sama liði, sama hversu færir og flinkir einstaklingar eru þar, ef ekki næst að allir stilli saman krafta sína, þá verður árangurinn ekki sá sem stefnt er að. Stuðningsfólk okkar, hefur gegn um tíðina átt vanda til að hafa sig mest í frammi þegar best gengur, en látið minna fara fyrir sér þegar verr árar, og stuðnings er mest þörf. þetta hefur nú verið svona hjá of mörgum gegn um tíðina. Hvað aldur og reynslu leikmanna okkar varðar, þá eru margir þeirra búnir að spila fótbolta undir leiðsögn ágætra þjálfara allt frá 6 ára aldri, keppa út um allt í öllum aldursflokkum, vinna til verðlauna í bikar og deildum, orðið bikarmeistarar, Íslandsmeistarar, og Guð má vita hvað, búnir að afla sér mikillar leikreynslu, því ættu þeir að geta staðið a.m.k. jafnfætis, eða framar jafnöldrum, eða bara hverjum sem er í 1. deild, því þeir skástu spila í Pepsi deildinni, trúlega ! Ekki var nú litið stórum augum á lið Stjörnunnar í vor, lið minni spámanna í hópi leikmanna, lið þar sem leikgleðin skín úr hverju andliti, lið sem skorar flest mörkin, lið sem er efst í Pepsi-deildinni. Og markakóngurinn er kornungur sprækur og hress gutti! Hvers vegna skjóta þeir "stórliðunum" ref fyrir rass? Eiga ekki einu sinni grasvöll!! Jú þeir hafa greinilega gaman af því sem þeir eru að gera, leggja sig alla fram, finna að þeir standa engum að baki, þó ekki bæri búist við neinu af þeim, en sanna að hugurinn ber þá hálfa leið. Tökum þá til fyrir myndar. Þetta blessaða hús okkar Akraneshöllin, skapar ekki afreksfólk knattspyrnu, eitt sér. Nei Þar verða menn að leggja sig alla fram, sjálfir, og vilja af hjartans einlægni ná langt, ná árangri. Það kostar bæði svita og tár, en það er að miklu að keppa. Ég ítreka það Sigrún, sterkur vilji iðkenda og óbilandi metnaður er það sem til þarf. EN húsið skapar aðstöðu fyrir þá sem þannig hugsa. Og æfingin og aginn skapa meistarann. Fyrir því er löng reynsla!