Kominn í heim í undraland á ný!

Þá er maður búinn að sigla hjá Sambó. Reyndur kafteinn á Arnarfellinu, en hann ásamt 2 öðrum um borð voru á Dísarfellinu þegar það sökk, sem setur mark sitt á menn og dýpkar reynslu þeirra. Það segir mikið um karakter slíkra manna að enn eru þeir á sjó og skila sínu með sóma.

Gaman að kynnast nýju fólki, nýju skipi og fyrirtæki. Takk fyrir mig strákar, topp áhöfn þarna.

Menn fylgdust með gengisrússibananum úr fjarska í ferðinni. Einn Úkraínumaður þarna um borð var að spyrja míg út í þetta, og hann sagði " og þið segið okkur vera frumstæða og með undarlega stjórnarhætti".....ég svaraði engu.

Nóg er að hugsa á þessu heimili. Pong kemur á laugardagskvöld. Mikið að gerast.

Alavega stimpla mig inn hér með kæru bloggvinir.

 

Athugasemdir

[Guðmundur St. Valdimarsson, 25.9.2008 kl. 17:01]

Velkominn heim. Já hún markar menn reynslan hver sem hún er.

[Einar Örn Einarsson, 25.9.2008 kl. 17:31]

Hæhæ Gummi og takk fyrir.

Nú stöndum við undir nafni LAND landhelgisgæzlan

[Jóhann Elíasson, 25.9.2008 kl. 17:43]

Velkominn í land Einar minn.  Þeir eru sannar hetjur þessir þrír menn sem voru á Dísarfellinu að halda áfram eftir þetta.  Já þetta er SORGLEGT hvernig er FARIÐ með landhelgisgæsluna og er landi og þjóð til ævarandi SKAMMAR.  Gerir sér enginn grein fyrir því á hverju við lifum?

[Lilja Guðrún Þorvaldsdóttir, 25.9.2008 kl. 18:41]

Velkominn af sjónum kæri bloggvinur. - Já, þeir hafa reynt ýmislegt Íslensku sjómennirnir í gegnum tíðina. - En það  er sorglegt með Land-landhelgisgæsluna, hún ku vera landlítil.

[Einar Örn Einarsson, 25.9.2008 kl. 19:21]

Já sæl og blessuð í bak og fyrir bæði tvö.

Eiginlega er maður hættur að skilja upp né niður í þessu öllu saman. Kannski er það vegna þess að lunginn af þingheimi núorðið þekkir ekki fjósalykt frá taðfnyk . þorsk frá ýsu og útsynning frá landsynning.

[Einar Örn Einarsson, 25.9.2008 kl. 19:23]

Já og Lilja Guðrún, vonandi gegnur allt vel hjá þér, gaman að sjá þig á bloggferð.

[Jenný Anna Baldursdóttir, 25.9.2008 kl. 20:00]

Velkominn heim og kveðja til Pong.

[Einar Örn Einarsson, 25.9.2008 kl. 20:08]

Takk takk Jenný. Hann elskar að fá góðar kveðjur.

[Haraldur Bjarnason, 25.9.2008 kl. 23:59]

Sæll karlinn og velkominn heim. Þetta gekk ekki upp hjá okkur Skagamönnum í fótboltanum en nú bítum við í skjaldarrendur og komum sterkir upp að ári. Bið að heilsa þér og þínum...  

[Einar Örn Einarsson, 26.9.2008 kl. 00:47]

Sæll Haraldur takk fyrir það.

Sammála því, tökum fallið sem áskorun en ekki áfalli.

[Jóna Kolbrún Garðarsdóttir, 26.9.2008 kl. 00:49]

Velkominn heim, og ég segi eins og Jenný kveðja til Pong

[Einar Örn Einarsson, 26.9.2008 kl. 02:20]

Takk fyrir það kærlega Jóna. Var að segja honum frá kveðjunum og hann ekkert smá sæll með það.

[Lotta (IP-tala skráð) 26.9.2008 kl. 19:38]

Hæ frændi velkomin í land. knús og kossar frá Austurlandinu. :)

[Einar Örn Einarsson, 26.9.2008 kl. 20:29]

Hæhæ Lotta mín. Takk fyrir . Knús og kveðjur til baka