Þá er ég fluttur

þá er kallinn fluttur. Kominn vestar í vesturbæinn. Sé yfir Seltjarnarnesið lítið og lágt. Stemmingin hér minnir mig á Skagann, sem er gott. Hef Akranes beint fyrir augum þegar ég keyri út götuna.Er alsæll með þetta. Fékk góða hjálp frá góðum vinum. Marta systir og hennar strákar voru eins og hetjur með mér í þessu. þau gistu hjá mér fyrstu nóttina. Flutti inn á laugardegi til lukku og fyrsta nóttin aðfararnótt sunnudags til sælu.Svo undarlegt sem það er þá virðist vera sterkt í mér að flytja ekki á mánudegi og helst ekki þriðjudegi heldur, arfur gamallar hjátrúar, það ætlar ekki að rjátlast af manni.

Mikið hefur maður margt að þakka fyrir. Þetta er 455. helgin edru.MAGNAÐ! Get lofað ykkur því að ég væri ekki á þessum stað annars. Svo er Thailandsferð eftir 45 daga. Það verður spennandi að fara með Donna vini mínum þangað. Annars á ég þangað erindi við persónu sem ég hef þekkt vel í á annað ár, hvernig skyldi það nú þróast.? Kemur í ljós.

Er semsagt kominn í 107 eftir nokkur ár í 101, er frekar sáttur við það. Er hins vegar ekki ánægður við borgaryfirvöld með hvernig þau eru að þétta gamla bæinn mikið. Bílastæðamál í algjörum ólestri og óþægileg tilfinning þegar svo mikið er saumað að fólki þarna. Nú á að gera Bræðraborgarstígsreitmistök, eftir Holtsgötureitsmistökin. Synd því gamli vesturbærinn er afar sjarmerandi og skemmtilegur. Ég vil meina að hann sé í útrýmingarhættu. Nær að setja orkuna í það heldur en bölvaða hvalfriðunarvitleysuna.

Annars fer ég ekki á límingunum. Ég hafði val, valdi að flytja hingað. Sáttur við Guð og menn.

Segi eins og sagt var á gufunni gömlu eftir erindi í útvarpssal: " Góðar stundir".

 

Athugasemdir

[bumba (IP-tala skráð) 14.1.2008 kl. 07:59]

Hæ hæ. Til hamingju með nýju íbúðina. Og útsýnið. Lítur rosalega vel út. Ég er algjörlega sammála þér hvernig borgaryfirvöld eru að eyðileggja bæði miðbæinn og gamla vesturbæinn. Þetta borgarbatterí ætti í raun og veru að heita mistakabatteríið. Ótrúlegt. Er líka að hugsa um að flytja að vísu úr 105, en þá eitthvað lengra í burtu, yfir atlantsála, í svæði 64738201038746655743 eða þannig, heheehhe. Með kveðju.

[Jóhann Elíasson, 14.1.2008 kl. 11:19]

Til hamingju með nýju íbúðina Einar og ég efast ekki um að þér á eftir að líða vel þar.  Ég á nú vonandi eftir að hitta þig á nýju ári.

[Einar Örn Einarsson, 14.1.2008 kl. 11:59]

Já þakka ykkur fyrir báðir tveir. Jóhann það væri gaman að hittast yfir góðum bolla við tækifæri

[Svana (IP-tala skráð) 17.1.2008 kl. 22:11]

Til hamingju með þetta allt elsku bróðir!!

Þetta er frábært hjá þér. Gott að þau komu að hjálpa þér ég hefði gert það líka ef þú hefðir látið mig vita. knús og kveðjur úr Kef. Stóra sys

[Sigurður Hólmar Karlsson, 18.1.2008 kl. 11:22]

Til hamingju með að vera kominn í flottasta hverfið ;)