Hroðvirkni Moggans

Ágæti MOGGI.

Ertu til í að vanda þig betur.

Ekki að það skipti öllu máli fyrir innihald fréttarinnar.

En þetta er í 2. eða 3. skipti sem þið birtið frétt og mynd og merkið varðskipið ÆGIR undir myndina af TÝ. En eftir síðustu breytingar á skipunum er sláandi munur á skipunum og æpandi ljóst einmitt frá þessu sjónarhorni um hvort skipið er að ræða.

Maður fer að spyrja sig um vinnubrögðin hjá MOGGA ef þau eru á þessa veru við heimildaöflun.

Allavega fyrir okkur sjómennina, sem eru svona afgangsstærð hjá ykkur MOGGA fólki.

Breyta þessu takk.

Nýtt til að efla þyrlubjörgunargetu

Athugasemdir

[Axel Jóhann Hallgrímsson, 4.5.2010 kl. 20:57]

Það má ekki gera of miklar kröfur til barnanna á mbl.is. Það er þakkarvert að þeir skuli þó þekkja skip frá brunahönum.

[Axel Þór Kolbeinsson, 4.5.2010 kl. 21:09]

Mogginn og sjórinn:

[Guðmundur (IP-tala skráð) 4.5.2010 kl. 21:47]

Í fréttinni kemur fram að ekki hafi verið gert ráð fyrir Ægi í fjárhagsáætlun Gæslunnar og því ekki verið að missa skipið eins og það er orðað. En var ekki búið að gera ráð fyrir að nýja skipið væri komið í rekstur í stað Ægis. Nú er ekkert nýtt skip væntanlegt á næstunni og því hlýtur að vanta skip. Við Íslendingar hljótum því að hafa misst skipið frá okkur.

[Pálmi (IP-tala skráð) 4.5.2010 kl. 21:49]

Ægir siglir til Dakar eftir frábærar móttökur og velvilja í Las Palmas

3.5.2010

Mánudagur 3. maí 2010

Þriðjudagskvöldið 20. apríl síðastliðinn lagði varðskipið Ægir úr höfn í Reykjavík til sex mánaða landamæraeftirlits á vegum Frontex, landamærastofnunar Evrópusambandsins. Haldið var sem leið liggur fyrir Garðskaga og Reykjanes og stefnan síðan sett austan við Madeira og loks Las Palmas á Kanaríeyjum. Varðskipið lagðist þar að bryggju að morgni 29. apríl.

Einar H. Valson skipherra stýrir Ægi til móts við lóðsinn í Las Palmas.

Að sögn varðskipsmanna fengu þeir ótrúlega gott veður á leiðinni, fór vindhraði aldrei yfir 25 hnúta. Ekki gekk þó allt snuðrulaust fyrir sig því við Madeira kom upp bilun í gerfihnattasambandi varðskipsins. Við komu til Las Palmas tók á móti Ægi velviljuð sveit landa okkar sem allt vildu fyrir áhöfnina gera. Starfsmenn Úthafsskipa höfðu áður bent á sambandsleiðir við umboðsmenn og samstarfaðila á svæðinu. Allt stóð eins og stafur á bók og er ómetanlegt að hafa slík sambönd. Einnig komu aðilar frá Guardia Civil um borð og settu upp fjareftirlitsbúnað sem vinnur á þeirra kerfi. Enn var þó eftir að lagfæra gervihnattasamband varðskipsins og var leitað eftir aðstoð tæknimanns Kötlu Seafood, sem er með mikla starfsemi á Las Palmas. Allt kom fyrir ekki og kerfið fékkst ekki til að vinna eins og til var ætlast. Bauðst þá Þorsteinn Kristvinsson, tæknimaður Kötlu Seafood til að lána varðskipinu búnað sem hann ætti og hefði átt að fara í gömlu Akureyrina en það mætti bíða þar sem skipið er ekki tilbúið. Endanleg niðurstaða var að þiggja með þökkum gott boð Kötlumanna og skipta út búnaðinum. Var ráðist í það verk að morgni 30. apríl og lauk verkinu um kl. 23:00 þá um kvöldið.

Ægir í höfn á Kanaríeyjum

Þá höfðu Þorsteinn, tæknimaður Kötlu Seafood og aðstoðarmaður hans ásamt varðskipsmönnum lokið við að skipta um fjarskiptakúlu skipsins og allan móttökubúnað sem því fylgdi. Var Þorsteini svo í mun að allt gengi upp að hann frestaði fyrirhugaðri ferð heim til Íslands um nokkra daga. Eins og áður sagði var lokið við að prófa allar tengingar að kvöldi 30. apríl. Þar sem allt var farið að virka og vinna eðlilega var farið að huga að brottför. Landfestum var sleppt í Las Palmas þann 1. maí kl. 00:15 eftir frábærar móttökur og velvilja allra sem leitað var til og haldið áfram áleiðis til Dakar í Senegal þar sem áætluð koma er 6. maí.

Lóðsin kemur um borð. Marvin Ingólfsson stýrimaður tekur á móti honum.

Marvin, Einar og lóðsinn á leið til hafnar.

Ægir ber í risafarþegaskipið Independence of the seas

Ólafur Pálsson yfirvélstjóri tekur á móti olíu í Las Palmas.

Einar Hansen vélstjóri og Birkir Pétursson smyrjari tengja olíutöku slönguna.

Skipt um netkúlu Þorsteinn frá Katla Seafood losar um hana.

Tekið á móti kúlunni.

Hatturinn tekinn af Kúlunni

Kúlurnar og f.v. Rafn Sigurðsson, Sævar M. Magnússon og Óskar Á. Skúlason hásetar

Þorsteinn og Rafn gera skiptikúluna klára.

Áhöfn Ægis á Las Palmas.

Áhöfn Ægis á Las Palmas ásamt tengilið sínum í verkefninu Ásgrími Ásgrímssyni

Unnið að lokafrágang í tækjarekkanum.

Einar og Steini að stilla saman tæki og tól.

Þorsteinn tæknimaður kominn í tvo síma og með tvær tölvur.

http://www.lhg.is/frettirogutgafa/frettir/nr/1619

[Einar Örn Einarsson, 4.5.2010 kl. 22:16]

Já þetta er alveg satt Axel hahaha.

En ég hló nú bara upphátt með saltfiskinn sem er orðinn að hafðfiski.

Tek undir með Guðmundi með alvöru málsins hér heima, það er aðeins eitt varðskip við Ísland í dag sem er algjörlega óásættanlegt!

Takk fyrir myndirnar og fréttina Gummi bátur, kveðjur til ykkar um borð og blessist ykkur allt .

[Einar Örn Einarsson, 4.5.2010 kl. 22:17]

Ó afsakið Pálmi....... var með hugann við myndasmiðinn og bátsmanninn sjálfan Guðmund St Valdimarsson félaga .

[Hjalmar Jonsson (IP-tala skráð) 5.5.2010 kl. 02:18]

Einar ég get nú allveg skilið að fréttamenn þekki ekki skipin í fjarska því nauðalík eru þau, kunnáttumenn geta látið sonna smámuni fara í pirrurnar og jú rétt skal vera rétt. Annars er ég ferlega hissa á að skipið skuli vera leigt út miða við aðstæður á heimaslóðum í björgunnarmálum... Þyrlan takmörkuð og brandari mánaðrins eitt skip til gæslu og björgunnar. Víst er góð innkoma þarfa þing fyrir gæsluna en kommon innkoman á að koma frá ríki en ekki betli leiðina... Held samt að svona ferð sé nauðsynleg vegna reynslu og þjálfunnar í erlendum samskiptum, því Ísland er alls ekki nafli alheimsins. En svona ferð er ekki réttlætanleg fyrr en gæslann stillir upp með Standby skipi mannað af fagmönnum í stað Ægis og ef gæslan er ekki í stakk búin að standa sýnar skyldur held ég að björgunnarsveitir landsmanna myndu ábyggilega taka að sér þann liðinn fyrir brot af rekstrarfé gæslunnar, þeas færa úr kvíarnar og eiga stórt skip í hverjum landshluta. Fottar myndir Gummi myndasmiður, góð og skilorð ferðasaga... Vil nú ekki hljóma eins og fúll á móti, en hefði viljað sjá menn með öryggishjálm og gleraugu allavega við þessar hífingar á þessu björgunnarskipi. Rosalega sannaði Þorsteinn Kristvinsson, tæknimaður Kötlu Seafood að ekta víkingablóð rennur um æðar hans, fyrirtæki sýnu og þjóð til sóma. Víst er ég kominn langt út fyrir umræðuefnið Einar... en einhversstaðar segir að málfrelsi ríki samkvæmt pappírum svo ég nota mér bara þann lið... kv

[Einar Örn Einarsson, 5.5.2010 kl. 09:56]

Mikið til í þessu Hjálmar.

Spjallaðu sem mest og lengst bara. Aldeilis, ekki er það að trufla mig.