Vilhjálmur Egilsson tak sæng þína og gakk.

Mikið fór illa í mig að heyra viðbrögð Vilhjálms Egilssonar í fréttum kvöldsins.

Hann er í forsvari fyrir atvinnurekendur. Hann hefur verið á kafi í andskotans braskinu og sukkinu.

Hann talar um sjóðinn sem sjóðinn "OKKAR"

Greiðir Vilhjálmur Egilsson í Gildi lífeyrissjóð? Held ekki.

Þetta eru OKKAR peningar launþeganna.

Burtu með skítugar krumlurnar.

Verkalýðsforystan er að stórum hluta vafin inn í þetta alltsaman. Gulltryggir sig með fulltrúaráði. Almennur sjóðsfélagi hefur ekkert að segja. Hann bara borgar brúsann.

Þetta bara  gengur ekki.

Við verðum að ná stéttarfélögum okkar á band okkar launþega á ný, okkar eigin félögum takið eftir.

Í gegn um þau náum við lífeyrissjóðunum úr höndum þessara níðinga.

Eitt og eitt félag stendur undir nafni, samaber Verkalýðsfélagið á Akranesi, meira af slíku fólki. Alvöru fólki með stéttarvitund.

Reynum nú að láta í okkur heyra gott fólk. 1. maí er um helgina!

Sjóðsstjóri Gildis fer frá

Athugasemdir

[Axel Jóhann Hallgrímsson, 29.4.2010 kl. 00:00]

Atvinnurekendum var af einhverjum einkennilegum ástæðum troðið í stjórnir lífeyrissjóðanna til  helminga á móti launþegum, raunverulegum eigendum sjóðanna. Þaðan hafa þeir stjórnað braski með fé sjóðsfélaga rétt eins og þeir ættu það sjálfir. Enda líta þeir á það sem sitt, eins og Vilhjálmur orðaði það - OKKAR!

[Jóna Kolbrún Garðarsdóttir, 29.4.2010 kl. 00:18]

Heyr, heyr burt með þetta pakk úr lífeyrissjóðinum okkar!!!!

[Einar Örn Einarsson, 29.4.2010 kl. 00:27]

Já og þetta OKKAR situr í mér.

Nú þurfum við að gera 1. maí að alvöru baráttudegi aftur.

Burt með þetta lið!

[Jóhann Elíasson, 29.4.2010 kl. 07:29]

Algerlega sammála þér Einar.  Ég var að blogga um þetta og "linkaði" á gamalt blogg um þetta mál, þar kemur fram að atvinnurekendur hafa komið sér í stjórnir lífeyrissjóðanna með brögðum, því þeir hafa ALDREI greitt þar inn  eina einustu krónu.

[Einar Örn Einarsson, 29.4.2010 kl. 12:52]

Já Jóhann, en hvernig í andskotanum getum við losnað við þessa óværu?

[Jóhann Elíasson, 29.4.2010 kl. 14:03]

Eina leiðin er að stjórnir ALLRA lífeyrissjóða fari frá og kosnar verði nýjar stjórnir og fyrir það fyrsta verður að gera lífeyrissjóðsfélögum grein fyrir stöðunni og hvernig þeir hafa verið PLATAÐIR gegnum árin.

[Einar Örn Einarsson, 29.4.2010 kl. 14:44]

Já það vantar algjörlega að vita raunverulega stöðu sjóðanna.

Hvað var mikið af víkjandi lánum td.

[Jóhann Elíasson, 29.4.2010 kl. 15:00]

Ég er smeykur um að TAP lífeyrissjóðanna, sem okkur hefur verið sagt frá sé mun  meira en sagt er og sumir lífeyrissjóðirnir séu hreinlega með neikvæða eiginfjárstöðu.

[Bjarni (IP-tala skráð) 29.4.2010 kl. 21:04]

Nú er bara að nýta réttinn sinn og skipta um lífeyrirsjóð, eitthvað sem maður hefði átt að gera fyrir löngu. Þannig getur maður látið peningana eða lífeyrinn tala. Eini gallinn er að við getum því miður ekki skipt yfir í LSR, en sá hækkaði jú greiðslur þrátt fyrir gríðarlegt tap, enda jú ríkistryggður. Af hverju ættu stjórmálamenn vorir ekki að vilja meiri lífeyri, þegar þeir geta rukkað almenning um hann. Þetta er náttúrulega algert rugl!

[Einar Örn Einarsson, 30.4.2010 kl. 18:59]

já ég er svo lánssamur að hafa verið að vinna, í ársleyfi frá LHG, í Noregi og greiði á meðan í Norskan lífeyrissjóð. Ætli að maður hugsi ekki ráð sitt ansi vel áður en maður sleppir því.