ÁHAFNARMEÐLIMIR kæri ritstjóri?

Við eigum svo falleg orð í staðinn fyrir þessa dönskuslettu sem er ofnotuð í málinu.

Í þessari frétt segir: "27 áhafnarmeðlimir voru á Lynx".  Hví er ekki hægt að segja : 27 manns voru í áhöfn Lynx, eða : Um borð í Lynx voru 27 skipverjar.

Er ekki nóg að það sé kreppa í hagkerfinu, þurfum við að tala kreppu íslensku?????

 

Eldur í togara í íslenskri eigu

Athugasemdir

[Guðmundur (IP-tala skráð) 20.10.2008 kl. 22:36]

Engan sakaði en samt sem áður voru 5 úr áhöfninni fluttir í land með reykeitrun!!!

Reykeitrun er sára saklaus eða hvað? Hvað er að þessum fréttamönnum á mbl.is?

[Lilja Guðrún Þorvaldsdóttir, 21.10.2008 kl. 01:28]

Þarna er þekkingarskortur í hámarki, því aumingja fréttamanninum er ekki gefinn kostur eða tíma á að kynna sér málin svo hann viti um hvað hann er að skrifa. -

[Jóna Kolbrún Garðarsdóttir, 21.10.2008 kl. 01:33]

Allsstaðar eru meðlimir.  Þetta er hvimleitt orð, sem hefur verið ofnotað í íslensku undanfarin ár. 

[Jóhann Elíasson, 21.10.2008 kl. 07:23]

Heimur versnandi fer Einar minn.  Það virðist vera mikið metnaðarleysi sem hrjáir ritstjórnir, ekki bara netmiðlanna heldur fjölmiðlanna almennt og þá undaskil ég ekki ljósvakamiðlana.

[Jenný Anna Baldursdóttir, 21.10.2008 kl. 08:28]

Heyrðu, ég var einmitt að velta því fyrir mér í morgun hvað hefði orðið af þér maður.  Eruð þið félagar lagstir út?

Gott að þú ert á lífi og í gír.

Kveðja til Pong.

[Einar Örn Einarsson, 21.10.2008 kl. 16:39]

Sæl öll.

Við erum að vinna mikið báðir, á kvöldin er ég að sigla Imagine Peace túra út í Viðey, hef leiðsögn og er skipstjóri. Mjög skemmtilegar ferðir.

Tók mér fjölmiðlabreik, hvíla mig á úrtöluhjalinu.

Mættur aftur hress og kátur.

[Sigfús Axfjörð Sigfússon, 21.10.2008 kl. 17:51]

He he, ekkert betri en ég í ergelsinu! Fer aldurinn svona með okkur! Brost karlinn, andartakið er yndislegt! Þar eru hvorki áhafanarmeðlimir eða seðlabankastjórar að pota upp í nefið á okkur!

Kveðja Sigfrús.

[Einar Örn Einarsson, 22.10.2008 kl. 18:26]

Alls ekki ergilegur.

En læt í mér heyra með svona hluti

Hehe já gott þegar fólk er ekki að pota í ..........nefið á manni

[Hildur Helga Sigurðardóttir, 23.10.2008 kl. 01:58]

Góð áminning.  Þó að við verðum fátækari þarf tungan ekki að verða það.

[Sveinn Pálmar Einarsson (IP-tala skráð) 23.10.2008 kl. 15:58]

Sæll og blessaður Einar minn.

Ég heyrði nú af þér í Árósum um daginn, en þar bý ég nú þessa dagana og vinn hjá Sambó. Við verðum nú bara að vona að þú takir annan túr og kíkir aftur við hérna í Árósum.
Ég kem nú heim um jólin í smá frí, það er aldrei að vita nema að ég komi við hjá þér í kaffi við tækifæri.

Kveðja
Svenni

[Elísabet Sigurðardóttir, 24.10.2008 kl. 12:03]

Loksins fæ ég smá tíma til að "hanga" í tölvunni, var búin að sakna þín hér.

Alltaf gott að lesa bloggin þín, takk fyrir mig.

Kærar kveðjur 

[Einar Örn Einarsson, 24.10.2008 kl. 17:17]

Hæhæ Svenni minn.Frábært að sjá þig líta inn. Já mikið væri gaman að hitta þig.

Og Elísabet, við erum greinilega bæði svo busy þessa dagana. Takk fyrir sömueliðis.

Bestu kveðjur á ykkur bæði  

[sævar már magnúss, 25.10.2008 kl. 21:22]

(Imagine Peace)

Mögnuð ferð út í Viðey með fararstjóra og kaffi á eftir.

  Takk fyrir mig.Kveðja frá Akureyri

[Lotta (IP-tala skráð) 26.10.2008 kl. 19:42]

hæ hæ Frændi leitt að missa af þér í borginni um daginn. En það er fyrir séð með fleiri ferðir í borgina bráðum. Skellti mér í skóla svo eitthvað verður maður annað slagið sunnan heiða. :) knús og kossar til ykkar félaga. :)

[Einar Örn Einarsson, 27.10.2008 kl. 16:31]

Takk Sævar. Mín var ánægjan.

Takk Lotta, gott hjá þér að fara í skólann, hlakka til að sjá þig. knús og kossar til baka