Kominn heim úr langþráðum gæzlutúr.

Fengum að fara einn túr, blessunarlega. Gott að geta sinnt starfinu sínu í öllum sparnaðinum.

Kominn heim í kreppuna. Geri mitt besta til að forðast þessa hringiðu reiðinnar sem snýst og snýst. Finnst stundum eins og fólk haldi að það sé hægt að leysa svona flókin mál bara si svona. Það er ekki allt "instant", svo einfalt er það.

Ekki svoað skilja ég er að finna fyrir þessu mjög áþreifanlega, er orðinn vanur svona bankaveseni 

Ætla ekki að úttala mig frekar um það efnislega.

Ætla að reyna að tækla þetta með þvi að reyna að halda í þau sönnu verðmæti sem ég á. Ég er að tala um vonina, bjartsýni og æðruleysi.

Ég sneiði frá gremju, besservissera og frekjubloggunum þessa dagana. Vegna þess að fæstir hafa yfirsýn, nema hina sjálfhverfu sýn, sem er ekkert að bæta mínar aðstæður. Ég þarf að búa mig undir maraþonhlaup í gegn um þetta krepputímabil. Og þá eyðir maður ekki allri orkunni í upphitunina. Það er gott að eiga eitthvað inni þegar einhverjar tæmandi upplýsingar liggja fyrir, og maður hefur raunveruleg kennileiti til að byggja á. Ekki veitir af. Hef speki hávamála að leiðarljósi á meðan. Hlusta í stað þess að tala á meðan.

Allavega langaði mig að stimpla mig inn. Hæ kæru bloggvinir. Vonandi eru allir hressir á sálu og sinni.

Athugasemdir

[Jenný Anna Baldursdóttir, 26.11.2008 kl. 23:34]

Velkominn heim, ég var farin að undrast um þig.

[Guðmundur St. Valdimarsson, 27.11.2008 kl. 00:34]

Velkominn heim af hafi.

[Jóna Kolbrún Garðarsdóttir, 27.11.2008 kl. 00:48]

Velkominn til bloggheima, ég hef verið að kreppublogga undanfarið. 

[Jóhann Elíasson, 27.11.2008 kl. 13:49]

Velkominn heim og ég er yfir mig ánægður yfir því að þið hafið náð að "kría" út einn túr.  Maður nær því ekki að "skorin" hafi verið niður framlög til Gæslunnar.  Annars segjast sjóræningjarnir, við strendur Sómalíu, vera að stunda "strandgæslu".  Spurning hvort þarna sé kominn nýr tekjustofn fyrir Gæsluna?

[Einar Örn Einarsson, 27.11.2008 kl. 18:57]

Sæl öll. Þakka kveðjurnar.

Jóhann. Við förum bara á honum TÝR þarna suðureftir, plöffum þessi hrútshorn niður, fyrir góðan pening.

[Haraldur Bjarnason, 28.11.2008 kl. 06:01]

Góður pistill hjá þér strákur. Þetta er nokkuð sem við ættum öll að hafa að markmiði núna.

[Harpa (IP-tala skráð) 28.11.2008 kl. 08:55]

Sæll og blessaður gaman lesa þig. Mig langaði að benda þér á að kíkja á gömlu vinina í Kef. við verðum með flotta tónleika á aðventunni og mikið þætti okkur nú vænt um að sjá þig. Ég veit ekki hvort að þú hefur frétt af nýja kórstjóranum okkar (bara flottur) Jólakveðja Harpa E.

[Einar Örn Einarsson, 28.11.2008 kl. 17:42]

Takk takk Haraldur

Harpa frábært að heyra frá þér. Til lukku með nýja kórstjórann, ég á heilmikið í honum, milljón skrilljón kveðjur og knús.

[sævar már magnúss, 29.11.2008 kl. 12:08]

mig langar á sjó, að vera sjómaður sem ekki fer á sjó er svindl .... 

[Einar Örn Einarsson, 30.11.2008 kl. 18:00]

haha Sævar

[Sveinn Pálmar Einarsson (IP-tala skráð) 2.12.2008 kl. 20:25]

Unnum við ekki breta á sínum tíma? Ég held að við ættum alveg að geta tekið einhverja pjakka frá Sómalíu með vinstri. :)

[Einar Örn Einarsson, 3.12.2008 kl. 09:51]

Haha Svenni, með vinstri og sú hægri að gera eitthvað annað á meðan